ກັນ​ຍາ ຂຸນ​ວົງ​ສາ ກອງ​ຫລັງ ປະ​ສົບ​ການ​ສູງ ຍ້າຍຫາ​ຄວາມ​ທ້າ​ທາຍ​ໃຫມ່​ກັບ ສະໂມສອນ ​ອີ​ໂວ ຢູ​ໄນ​ເຕັດ ເຊິ່ງເປັນທີມນ້ອງໃຫມ່​ໃນ ການ​ແຂ່ງ​ຂັນ​ບານ​ເຕະ ເປບ​ຊີ ລາວ ພຣີເມຍລີກ 2019.
ປັດຈຸບັນ ກັນຍາ ຂຸນວົງສາ ອາຍຸ 29 ປີ ເກີດໃນວັນທີ 01 ພຶດສະພາ 1989 ຢູ່ທີ່ ແຂວງ ຄຳມ່ວນ, ຜົນງານລະດັບທີມຊາດ ເຄີຍຕິດທີມຊາດລາວ ຊຸດໃຫຍ່ ມາຫລາຍຊດ, ສ່ວນຜົນງານລະດັບ ສະໂມສອນ ແມ່ນເຄີຍຫລິ້ນໃຫ້ກັບຫລາຍ ສະໂມສອນ ຄຶື :
- ປີ 2005 - 2010 ແມ່ນຫລິ້ນໃຫ້ກັບ ສະໂມສອນ ທະນາຄານ ສາມາດຄວ້າແຊ້ມ ລາວລີກ 2 ຄັ້ງ ແລະ ແຊ້ມ ຂັນນາຍົກລັດຖະມົນຕີແຫ່ງ ສປປ ລາວ 1 ຄັ້ງ .
- ປີ 2013 ແມ່ນຫລິ້ນໃຫ້ກັບ ສະໂມສອນ ຮ່ວາງແອ໋ງອັດຕະປື ພາທີມຄວ້າອັນດັບ 2 ລາວ ພຣີເມຍລີກ.
- ປີ 2015 - 2016 ແມ່ນຫລິ້ນໃຫ້ກັບ ສະໂມສອນ ລ້ານຊ້າງ ຢູໄນເຕັດ
- ປີ 2016 ຮອບຂາກັບ ຫລິ້ນໃຫ້ກັບ ສະໂມສອນ ວີເອັສວີ ຢູໄນເຕັດ
- ປີ 2017 ຫລິ້ນໃຫ້ກັບ ສະໂມສອນ ນະຄອນຫລວງ ຢູໄນເຕັດ.
- ປີ​ 2018 ຫລິ້ນ​ໃຫ້​ກັບ ສະ​ໂມ​ສອນ ຫລວງ​ພະ​ບາງ ຢູ​ໄນ​ເຕັດ
ທັງນີ້ ອີ​ໂວ ຢູ​ໄນ​ເຕັດ ຍັງໄດ້ເສີມນັກເຕະທັງ ພາຍໃນ ແລະ ຕ່າງປະເທດ ຫລາຍຄົນ ປະກອບມີ : ໄກ​ສອນ​ ຫອມ​ສິນ ຕ​ຳ​ແຫ​ນ່ງ ຜູ້​ຮັກ​ສາ​ປະ​ຕູ ຈາກ ສະ​ໂມ​ສອນ ອີ​ໂວ ຢູ​ໄນ​ເຕັດ, ສົມ​ນຶກ ສີ​ບຸນ​ເຮືອງ ຈາກ ສະ​ໂມ​ສອນ ດີ​ເຄ ເອັ​ຟ​ຊີ,  EBOULEE BILLE SAMUEL ສັນຊາດ ຄາເມຣູນ ຕຳແຫນ່ງ ກອງຫລັງ ຈາກ ສະໂມສອນ ຫລວງ​ພະ​ບາງ ຢູ​ໄນ​ເຕັດ, ທິດ​ສະ​ກັນ ບຸນ​ມະ​ໄລ ຈາກ ສະ​ໂມ​ສອນ ປກ​ສ ເອັ​ຟ​ຊີ .