News Detail

ກອງທັບ ບຽດຊະນະ ອີໂວ 3-2

      ເມື່ອວັນອາທິດ 23 ມິຖຸນາ ຜ່ານມາ ທີ່ສະໜາມກິລາແຫ່ງຊາດ ຫຼັກ 16 ໄດ້ມີການແຂ່ງຂັນເຕະບານ ເປບຊີ ລາວ ພຣີເມຍລີກ 2019 ຮອບຂາກັບ ຄູ່ທີ 3 ປະຈຳອາທິດທີ 8​ ເຊິ່ງນັດນີ້ ແມ່ນເປັນນັດທີ 7 ຂອງ ສະໂມສອນ ກອງທັບ ເອັຟຊີ ທີມອັນດັບ 6 ເປີດບ້ານຕ້ອນຮັບການມາຢາມຂອງ ສະໂມສອນ ອີໂວ ຢູໄນເຕັດ ທີມອັນດັບ 5 ທີ່ລົງສະໜາມນັດທີ 8. ເກມນີ້ ຕ່າງຝ່າຍຕ່າງສົ່ງຜູ້ຫລິ້ນຕົວຫລັກລົງສະຫນາມເຊິ່ງ ທາງ ອີໂວ ຢູໄນເຕັດ ໄດ້ສົ່ງຜູ້ຫລິ້ນໃຫມ່ເຊິ່ງເປັນນັກເຕະ ຊາວເກົາຫລີໃຕ້ 2 ຄົນ ລົງສະຫນາມເປັນຕົວຈິງ, ເລີ້ມເກມ ເປັນທາງດ້ານ ອີໂວ ຢູໄນເຕັດ ໄດ້ປະຕູຂຶ້ນນຳໃນນນາທີ 10 ຈາກ LEE DOOKYO ກອງກາງຊາວເກົາຫລີໃຕ້ ຫລັງຈາກເສຍປະຕູ ກອງທັບ ເອັຟຊີ ກໍເປີດເກມບຸກໃສ່ ມາໄດ້ປະຕູຕີສະເຫມີ ຈາກ ສຸກສະຫວັນ ສົມສະນິດ ນາທີ 17, ຫລັງຈາກນັ້ນ ນາທີ 23 ພູທອນ ອິນນະໄລ ມາຍິງປະຕູເພີ້ມເຮັດໃຫ້ ກອງທັບ ຂຶ້ນນຳ ອີໂວ 2-1, ກ່ອນຫມົດເຄິ່ງເວລາທີ 1 ນາທີ 37 ສີສະຫວາດ ດາລາວົງ ມາຍິງປະຕູເຮັດໃຫ້ ກອງທັບ ຂຶ້ນນຳ ກອງທັບ 3-1 ໃນເຄິ່ງເວລາທຳອິດ.
    ເຂົ້າສູ່ເຄິ່ງເວລາທີ 2 ອີໂວ ມີການປັບປ່ຽນແຜນການຫລິ້ນໂດຍເປີດເກມບຸກໃສ່ ກອງທັບ, ຈົນຮອດນາທີ 80 ອີໂວ ມາໄດ້ປະຕູຕີໄລ່ຂຶ້ນມາ 2 - 3 ຈາກ ສົມນຶກ ສີບຸນເຮືອງ ໄລຍະເວລາທີ່ເຫລືອບໍ່ມີທີມໃດສາມາດຍິງປະຕູເພີ້ມ ຈົບເກມ ກອງທັບ ຊະນະ ອີໂວ 3-2, ຈາກໄຊຊະນະດັ່ງກ່າວ ກອງທັບ ເປັນໄຊຊະນະ ໃນນັດທຳອິດ ການແຂ່ງຂັນເຕະບານ ເປບຊີ ລາວ ພຣີເມຍລີກ 2019.
      ສະຫລຸບ ຕາຕະລາງຄະແນນ ການແຂ່ງຂັນ ການແຂ່ງຂັນເຕະບານ ເປບຊີ ລາວ ພຣີເມຍລີກ 2019 ອັນດັບ 1 ສະໂມສອນ ຊ້າງນ້ອຍ ເອັຟຊີ ລົງສະຫນາມ 7 ນັດ ຊະນະ 4, ສະເຫມີ 3 ມີ 15 ຄະແນນ, ອັນດັບ 2 ສະໂມສອນ ມາສເຕີ້ ເຊເວັ້ນ ເອັຟຊີ ລົງສະຫນາມ 8 ນັດ ຊະນະ 4, ສະເຫມີ 1, ເສຍ 3 ມີ 13 ຄະແນນ, ອັນດັບ 3 ສະໂມສອນ ລາວໂຕໂຢຕ້າ ເອັຟຊີ ລົງສະຫນາມ 5 ນັດ ຊະນະ 4, ເສຍ 1 ມີ 12 ຄະແນນ, ອັນດັບ 4 ສະໂມສອນ ປກສ ເອັຟຊີ ລົງສະຫນາມ 7 ນັດ ຊະນະ 3, ສະເຫມີ 1, ເສຍ 3 ມີ 10 ຄະແນນ, ອັນດັບ 5 ສະໂມສອນ ອີໂວ ຢູໄນເຕັດ ລົງສະຫນາມ 8 ນັດ ຊະນະ 2, ເສຍ 6 ມີ 6 ຄະແນນ ແລະ ອັນດັບ 6 ສະໂມສອນ ກອງທັບ ເອັຟຊີ ລົງສະຫນາມ 6 ນັດ ຊະນະ 1, ສະເຫມີ 1, ເສຍ 5 ມີ 4 ຄະແນນ.

 

 

 

Recommended Posts

Upcoming match
Copyright © Lao Premier League - All rights reserved.
Design by: NGM COMMUNICATION