News Detail

ການ​ແຂ່​ງ​ຂັນ​ບານ​ເຕະ ເປບ​ຊີ ລາວ​ພ​ຣີ​ເມຍ​ລີກ 2019 ອາ​ທິດ​ນີ້​ມີ​ການ​ແຂ່ງ​ຂັນ 1 ຄູ່ ອີ​ໂວ ຢູ​ໄນ​ເຕັດ ພົບ ລາວ​ໂຕ​ໂຢ​ຕ້າ ເອັ​ຟ​ຊີ

ການ​ແຂ່ງ​ຂັນ​ບານ​ເຕະ ເປບ​ຊີ ລາວ​ພ​ຣີ​ເມຍ​ລີກ 2019 ອາ​ທິດ​ນີ້ ມີ​ການ​ແຂ່ງ​ຂັນ​ນັດ​ຕົກ​ຄ້າງ 1 ຄູ່ ເປັນ​ການ​ພົບ​ກັນ​ລະ​ຫວ່​າງ ສະ​ໂມ​ສອ​ນ ອີ​ໂວ ຢູ​ໄນ​ເຕັດ ພົບ ສະ​ໂມ​ສອນ ລາວ​ໂຕ​ໂຢ​ຕ້າ ເອັ​ຟ​ຊີ ແຊ້ມ​ເກົ່າ .

ພຸດ​ທະ​ສອນ ອິນ​ທະ​ບົວ​ລີ ຜູ້​ບໍ​ລິ​ຫານ​ທີມ ອີ​ໂວ ຢູ​ໄນ​ເຕັດ  ໄດ້​ໃຫ້​ສຳ​ພາດ ວ່າ: '' ທ​າງ​ສະ​ໂມ​ສອນ ຂອງ​ພວກ​ເຮົາ​ມີ​ຄວາມ​ພ້ອມ​ໃນ​ການ​ລຸຍ​ການ​ແຂ່ງ​ຂັນ​ບາ​ນ​ເຕະ ເປບ​ຊີ ລາວ​ພ​ຣີ​ເມຍ​ລີກ 2019 ເຊິ່ງ ນັກ​ເຕະ ສ່ວນ​ໃຫ​ຍ່ ແມ່ນ​ມາ​ຈາກ​ນັກ​ເຕະ​ຊຸດ ດີ​ວີ​ຊັນ 1 ປະ​ສົມ​ປະ​ສານ​ກັບ ນັກ​ເຕະ​ຕ່າງ​ປະ​ເທດ  ແລະ ມີ​ນັກ​ເຕະ​ປະ​ສົບ​ການ​ສູງ ດາວ​ເຫ​ນືອ ສີ​ວຽງ​ໄຊ, ສ່ວນ​ຄາດ​ຫວັງ​ໃນປີ​ນີ້ ສະ​ໂມ​ສອນ ຕັ້ງ​ຄວາມ​ຫວັງ​ໄວ້​ໃຫ້​ຕິດ 1 - 4 ຈະ​ເຮັດ​ໃຫ້​ດີ​ທີ່​ສຸດ​ທີ່​ຈະ​ເຮັດ​ໄດ້, ສຳ​ລັບ​ກິດ​ຈະ​ກຳ​ໃນ​ນັດ​ທີ່ ສະ​ໂມ​ສອນ ອີ​ໂວ ຢູ​ໄນ​ເຕັດ ຈະ​ຕ້ອນ​ຮັບ​ການ​ມາ​ຢາມ ສະ​ໂມ​ສອນ ລາວ​ໂຕ​ໂຢ​ຕ້າ ເອັ​ຟ​ຊີ  ທາງ​ສະ​ໂມ​ສອນ ຈະ​ໄດ້​ແຈກ​ເສື້ອ ແລະ ຂອງ​ທີ່​ລະ​ລຶກ​ຕ່າງໆ ​ໃຫ້​ກັບ​ແຟນ​ບານ​ເຂົ້າ​ຮ່ວມ​ຮັບ​ຊົມ​ເກມ​ການ​ແຂ່ງ​ຂັນ​ນັດ​ດັ່ງ​ກ່າວ ສ່ວ​ນ​ນັດ​ທຳ​ອິດ​ພົບ​ກັບ​ແຊ້ມ​ເກົ່າ​ແມ່ນ​ມີ​ຄວາມ​ຫ​ນັກ​ໃຈ​ພໍ​ສົມ​ຄວນ ທີມ​ພວກ​ເຮົາ​ກໍ​ຈະ​ພະ​ຍາ​ຍາມ​ເຮັດ​ໃຫ້​ດີ​ທີ່​ສຸດ ''. 

 ຂະ​ນະທີ່ ສອນ​ນະ​ລິນ ນ້ອຍ​ດາ​ລາ ຜູ້​ຊ່ວຍ​ຜູ້​ຈັດ​ການ​ທີມ ລາວ​ໂຕ​ໂຢ​ຕ້າ ເອັ​ຟ​ຊີ ໄດ້​ໃຫ້​ສຳ​ພາດ​ວ່າ: '' ສຳ​ລ​ັ​ບ​ເກມ​ນັດ​ທຳ​ອິດ ການ​ແຂ່ງ​ຂັນ​ບານ​ເຕະ ເປບ​ຊີ ລາວ​ພ​ຣີ​ເມຍ​ລີກ 2019 ລາວ​ໂຕ​ໂຢ​ຕ້າ ເອັ​ຟ​ຊີ ພົບ ອີ​ໂວ ຢູ​ໄນ​ເຕັດ ທາງ​ພວກ​ເຮົາ​ກໍ​ບໍ່​ເຄີຍ​ພົບ​ກັນ​ມາ​ກ່ອນ ເພາະ​ທາງ ສະ​ໂມ​ສອນ ອີ​ໂວ ຢູ​ໄນ​ເຕັດ ເປັນ​ສະ​ໂມ​ສອນ ນ້ອງ​ໃຫ​ມ່ ທາງ​ທີມ​ພວກ​ເຮົາ​​ກຽມ​ຄວາມ​ພ້ອມ​ມາ​ພໍ​ສົມ​ຄວນ ແນວ​ໃດ​ກ​ໍ​ຕາມ​ຫວັງ​ເກັບ 3 ຄະ​ແນນໃນ​ນັດ​ທຳ​ອິດ​ໃຫ້​ໄດ້​ໃນ​ຖາ​ນະ​ແຊ້ມ​ເກົ່​າ ແລະ ຈະ​ທຳ​ຜົນ​ງານ​ໃຫ້​ດີ​ທີ່​ສຸດ​ເພື່ອ​ປ້ອງ​ກັນ​ແຊ້ມ​ໃຫ້​ໄດ້ ''.

ອີ​ໂວ ຢູ​ໄນ​ເຕັດ ພົບ ລາວ​ໂຕ​ໂຢ​ຕ້າ ຈ​ະແຂ່ງ​ຂັນ ວັນ​ອາ​ທິດ 03 ມີ​ນາ 2019 ເວ​ລາ 17:00 ແຂ່ງ​ຂັນ​ຢູ່​ທີ່​ສະ​ຫ​ນາມ ມ​ຊ ເຂົ້າ​ຊົມ​ຟ​ຣີ ຫລື ຮັບ​ຊົມ​ການ​ຖ່າຍ​ທອດ​ຜ່ານ​ທາງ Mycujoo
Link ຖ່າຍ​ທອດ​ສົດ : https://mycujoo.tv/video/lao-football-federation?id=3497

Recommended Posts

Upcoming match
Copyright © Lao Premier League - All rights reserved.
Design by: NGM COMMUNICATION