ການແຂ່ງຂັນເຕະບານ ເປບຊີ ລາວ ພຣີເມຍລີກ 2019 ທີ່ດຳເນີນກັນມາເປັນອາທິດທີ 11 ຄາຊູໂອະ ໂຮມມະ ກອງໜ້າຊາວຍີ່ປຸ່ນ ເຈົ້າຂອງດາວຍິງສູງສຸດໃນການແຂ່ງຂັນເຕະບານ ລາວ ພຣີເມຍລີກ 4 ສະໄໝ ຍິງໄດ້ 11 ປະຕູ ​ພ​າຍ​ຫລັງ​ນັດ​ລ່າ​ສຸດ ຍິງ 1 ປະ​ຕູ ພາ ສະ​ໂມ​ສອນ ລາວ​ໂຕ​ໂຢ​ຕ້າ ເອັ​ຟ​ຊີ ຊະ​ນະ ສະ​ໂມ​ສອນ ປກ​ສ ເອັ​ຟ​ຊີ 4-0. ຂະນະທີ່  ອັນດັບ 2 ຕົກ​ເປັນ​ຂອງ ຣາຟາເອວ ກອງໜ້າຊາວບຣາຊິນ ຈາກ ສະ​ໂມ​ສອນ​ ລາວ​ໂຕ​ໂຢ​ຕ້າ ເອັ​ຟ​ຊີ ຍິງ​ໄດ້ 10 ປະຕູ  .  ອັນດັບ 3 ຕົກເປັນຂອງ  ແກ້ວວຽງເພັດ ລິດທິເດດ ກອງກາງຂອງ ສະໂມສອນ ມາດເຕີ 7 ເອັຟຊີ ແລະ ບຸນ​ພະ​ຈັນ ບຸນກອງ  ຈ​າກ ສະ​ໂມ​ສອນ ຊ້າງ​ນ້ອຍ ເອັ​ຟ​ຊີ ຍິງໄປແລ້ວ 7 ປະຕູ, ອັນດັບ 4 ຕົກເປັນຂອງ ສຸກຈິນດາ ນັດພາສຸກ ກອງໜ້າສະໂມສອນ ກະຊວງປ້ອງກັນຄວາມສະຫງົບ (ປກສ ເອັຟຊີ) ຍິງໄປ 6 ປະຕູ.

        ສໍາລັບ ຄາຊູ ໂຮມມະ ກອງໜ້າຊາວຍີ່ປຸ່ນ ຂອງ ລາວໂຕໂຢຕ້າ ເອັຟຊີ ແມ່ນເຄີຍໄດ້ຮັບລາງວັນດາວຍິງສູງສຸດຂອງ ລາວ ພຣີເມຍລີກ ມາແລ້ວ 4 ສະໄໝ ປະກອບມີ ປີ 2013 ຍິງໄປ 29 ປະຕູ, 2014 ຍິງໄປ 29 ປະຕູ, 2017 ຍິງໄປ 23 ປະຕູ ແລະ 2018 ຍິງໄປ 21 ປະຕູ ຖືເປັນນັກເຕະທີ່ຄວ້າດາວຍິງສູງສຸດໃນ ລາວພຣີເມຍລີກ ຫຼາຍທີ່ສຸດໃນຕອນນີ້ ພ້ອມທັງມີລຸ້ນດາວຍິງສູງສຸດ ປີ 2019 ອີກດ້ວຍ.