News Detail

ຄາຊູໂອະ ໂຮມມະ ຍັງ​ນຳ​ດາວ​ຍິງສູງ​ສຸດ ເປບ​ຊີ ລາວ​ພ​ຣີ​ເມຍ​ລີກ ອາ​ທິດ​ທີ 12

       

 

           ການແຂ່ງຂັນເຕະບານ ເປບຊີ ລາວ ພຣີເມຍລີກ 2019 ທີ່ດຳເນີນກັນມາເປັນອາທິດທີ 12 ຄາຊູໂອະ ໂຮມມະ ຜົນ​ງານກອງໜ້າຊາວຍີ່ປຸ່ນ ເຈົ້າຂອງດາວຍິງສູງສຸດໃນການແຂ່ງຂັນເຕະບານ ລາວ ພຣີເມຍລີກ 4 ສະໄໝ ຈາກ ສະ​ໂມ​ສອນ ລາວ​ໂຕ​ໂຢ​ຕ້າ ເອັ​ຟ​ຊີ ຜົນ​ງານ​ຍັງ​ຮ້ອນ​ແຮງ​ຢ່າງ​ຕໍ່​ເນື່ອງ ລ່​າ​ສຸດ ລາວ​ໂຕ​ໂຢ​ຕ້າ ເອົາ​ຊະ​ນະ ກອງ​ທັບ 2-1 ຍິງ​ໄດ້ 1 ປະ​ຕູ​ເຮັດ​ໃຫ້ ຄ​າ​ຊູ ຍິງໄດ້ 12 ປະຕູ ​. ຂະນະທີ່  ອັນດັບ 2 ຕົກ​ເປັນ​ຂອງ ແກ້ວ​ວຽງ​ເພັ​ດ ລິດ​ທິ​ເດດ ກອງ​ກາງ ຈາກ ສະ​ໂມ​ສອນ ມາ​ສ​ເຕີ້ ເຊ​ເວັ້ນ ເອັ​ຟ​ຊີ ນັດ​ລ່​າສຸດ​ຍິງ 4 ປະ​ຕູ​ໃຫ້ ມາ​ສ​ເຕີ້ ເຊ​ເວັ້ນ ເອົາ​ຊະ​ນະ ອີ​ໂວ ຢູ​ໄນ​ເຕັດ 6-1 ໂດຍ​ແກ້ວ​ວຽງ​ເພັດ​ຍິງ​ໄປ​ແລ້ວ 11 ປະ​ຕູ, ອັນ​ດັບ 3 ຕົກ​ເປັນ​ຂອງ ຣາຟາເອວ ກອງໜ້າຊາວບຣາຊິນ ຈາກ ສະ​ໂມ​ສອນ​ ລາວ​ໂຕ​ໂຢ​ຕ້າ ເອັ​ຟ​ຊີ ຍິງ​ໄດ້ 10 ປະຕູ , ອັນ​ດັບ 4 ບຸນ​ພະ​ຈັນ ບຸນກອງ  ຈ​າກ ສະ​ໂມ​ສອນ ຊ້າງ​ນ້ອຍ ເອັ​ຟ​ຊີ ຍິງໄປແລ້ວ 8 ປະຕູ ແລະ  ອັນດັບ 5 ຕົກເປັນຂອງ ສຸກຈິນດາ ນັດພາສຸກ ກອງໜ້າສະໂມສອນ ກະຊວງປ້ອງກັນຄວາມສະຫງົບ ( ປກສ ເອັຟຊີ ) ຍິງ 6 ປະ​ຕູ.                                                                                                                                                                                        

        ສໍາລັບ ຄາຊູ ໂຮມມະ ກອງໜ້າຊາວຍີ່ປຸ່ນ ຂອງ ລາວໂຕໂຢຕ້າ ເອັຟຊີ ແມ່ນເຄີຍໄດ້ຮັບລາງວັນດາວຍິງສູງສຸດຂອງ ລາວ ພຣີເມຍລີກ ມາແລ້ວ 4 ສະໄໝ ປະກອບມີ ປີ 2013 ຍິງໄປ 29 ປະຕູ, 2014 ຍິງໄປ 29 ປະຕູ, 2017 ຍິງໄປ 23 ປະຕູ ແລະ 2018 ຍິງໄປ 21 ປະຕູ ຖືເປັນນັກເຕະທີ່ຄວ້າດາວຍິງສູງສຸດໃນ ລາວພຣີເມຍລີກ ຫຼາຍທີ່ສຸດໃນຕອນນີ້ ພ້ອມທັງມີລຸ້ນດາວຍິງສູງສຸດ ປີ 2019 ອີກດ້ວຍ.

Patricia gives you the ability to let people actually read have your content, instead of focusing on all the other stuff that’s going on their screen.

Recommended Posts

Upcoming match
Copyright © Lao Premier League - All rights reserved.
Design by: NGM COMMUNICATION