News Detail

ຊ້າງ​ນ້ອຍ ເອັ​ຟ​ຊີ ຟອມ​ໂຫດ ຖະ​ຫລົ່ມ ມ​າ​ສ​ເຕີ້ ເຊ​ເວັ້ນ ເອັ​ຟ​ຊີ 4-0

ວັນ​ເສົາ 23 ກຸມ​ພາ 2019 ໄດ້​ມີ​ ການ​ແຂ່ງ​ຂັນ​ບານ​ເຕະ ເປບ​ຊີ ລາວ​ພ​ຣີ​ເມຍ​ລີກ 2019 ຢູ່​ທີ່​ສະ​ຫນາມ​ກິ​ລາ​ແຫ່ງ​ຊາດ​ຫລັກ 16  ຄູ່​ທີສອງ ​ແຂ່ງ​ຂັນ​ເວ​ລາ 18:45 ເປັນ​ການ​ພົບ​ກັນ​ລະ​ຫວ່າງ ສະ​ໂມ​ສອນ ມາ​ສ​ເຕີ້ ເຊ​ເວັ້ນ ເອັ​ຟ​ຊີ ພົບກັບ ສະ​ໂມ​ສອນ ​ຊ້າງ​ນ້ອຍ ເອັ​ຟ​ຊີ, ​ມາ​ສ​ເຕີ້ ເອ​ຟ​ຊີ ນັດ​ນີ້​ນຳ​ທັບ ໂດຍ ແກ້ວວ​ຽງ​ເພັດ ລິດ​ທິ​ເດດ ຫົວ​ຫນ້າ​ທີມ, ​ພອນ​ປະ​ເສີດ ສີ​ສຸ​ທຳ, ສຸກ​ສາ​ຄອນ ບຸນ​ຕາ​ທິ​ລ, ບາ​ໂບ​ຊາ ນັກ​ເຕະຊາວບ​ຣາ​ຊິ​ລ ພ້ອມ​ນັກ​ເຕະ​​ຫນ້າ​ໃຫມ່​ຫລາຍ​ຄົນ, ສ່ວນ ຊ້າງ​ນ້ອຍ ເອັ​ຟ​ຊີ ນຳ​ທັບໂດຍ ​ສົມ​ຊາຍ ແກ້ວ​ຫາ​ນາມ ຫົວ​ຫນ້າ​ທີມ, ລັດ​ທະ​ໄຊ ລຸນ​ລາ​ສີ, ບຸນ​ພະ​ຈັນ ບຸນກອງ, ວັນ​ນະ​ສອນ ດວງ​ໄມ​ຕີ ນັ​ກ​ເຕະ​ໃຫມ່​ທີ່​ຍ້າຍ​ມາ​ຈາກ​ ສະ​ໂມ​ສອນ ດີ​ເຄ​ ເອັ​ຟ​ຊີ.

 ເລີ່ມເກມ ທັງ​ສອງ​ທີມ ເປີດ​ເກມ​ບຸກ​ໃສ່​ກັນ ແຕ່​ສຸດ​ທ້າຍ ຊ້າງ​ນ້ອຍ ເອັ​ຟ​ຊີ ມາ​ໄດ້​ຈຸດ​ໂທດໃນ​ນາ​ທີ 13 ເມື່ອ ສຸກ​ອຳ​ພັນ ພົມ​ມະ​ລີ​ວົງ ກອງ​ຫລັງ ມາ​ສ​ເຕີ້ ເຊ​ເວັ້ນ ເອັ​ຟ​ຊີ ສະ​ກັດ​ບານ​ໃສ່ ວັນ​ນະ​ສອນ ດວງ​ໄມ​ຕີ ກຳ​ມະ​ການ​ ທ່ານ ຄຳ​ສິງ ໄຊ​ຍະ​ວົງ​ສີ ໄດ້​ໃຫ້​ຈຸດ​ໂທດ ແລະ ກໍ​ເປັນ ສົມ​ຊາຍ ແກ້ວ​ຫາ​ນາມ ສັງ​ຫານ​ຈຸດ​ໂທດ​ບໍ່​ພາດ​ເຮັດ​ໃຫ້ ຊ້າງ​ນ້ອຍ ເອັ​ຟ​ຊີ ຂຶ້ນ​ນຳ ມາ​ສ​ເຕີີ້ ເຊ​ເວັ້ນ ເອັ​ຟ​ຊີ 1-0 ຫລັງ​ຈາກ​ເສຍ​ປະ​ຕູ​ ມາ​ສ​ເຕີ້ ເຊ​ເວັ້ນ ກໍ​ເປີດ​ເກມ​ບຸກ​ໃສ່​ແຕ່​ບໍ່​ສາ​ມາດ​ຜ່ານ​ຜູ້​ຮັກ​ສາ​ປະ​ຕູ​ ຊ້າງ​ນ້ອຍ ໄຊສະຫວາດ ສຸວັນນະໂຊກ ເຮັດໃຫ້ຈົບເຄິ່ງເວລາທຳອິດ ຊ້າງນ້ອຍ ຂຶ້ນນຳ ມາເຕີ້ ເຊເວັ້ນ ເອັຊີ 1-0.

ເລີ່ມ​ເກມ​ເຄິ່ງ​ເວ​ລາ​ທີສອງ ເປັນ​ທາງ​ດ້ານ ຊ້າງ​ນ້ອຍ ທີ່​ຫລິ້ນ​ໄດ້​ດີກວ່າ​ອາ​ໄສ​ການ​ໂຕ້​ກັບ​ໄວ ມາ​ໄດ້ 3 ປະ​ຕູ​ຈາກ : ສົມ​ຊາ​ຍ ແກ້ວ​ຫາ​ນາມ ນາ​ທີ 52, ບຸນ​ພະ​ຈັນ ບຸນກອງ ນາ​ທີ 76 ແລະ ວັນ​ນະ​ສອນ ດວງ​ໄມ​ຕີ ນາ​ທີ​ 83, ຈົບ​ເກມ ຊ້າງ​ນ້ອຍ ເອັ​ຟ​ຊີ ເອົາ​ຊະ​ນະ ມາ​ສ​ເຕີ້ ເຊ​ເວັ້ນ ເອັ​ຟ​ຊີ 4-0 ເກັບ​ 3 ຄະ​ແນນ​ທຳ​ອິດ ພ້ອມ​ຂຶ້ນ​ເປັນ​ທີມ​ນຳ​ຕາ​ຕະ​ລາງ​ຄະ​ແນນ ການ​ແຂ່ງ​ຂັນ​ບາ​ນ​ເຕະ ເປບ​ຊີ ລາວ​ພ​ຣີ​ເມຍ​ລີກ 2019.

ສຳ​ລັບ​ຕ​າ​ຕະ​ລາງ​ກາ​ນ​ແຂ່ງ​ຂັນ​ນັດ​ຕໍ່​ໄປ​ ສະ​ໂມ​ສອນ ຊ້າງ​ນ້ອຍ ເອັ​ຟ​ຊີ ຈະ​ລົງ​ສະ​ຫນາມ​ນັດ​ທີ 2 ພົບ​ກັບ ສ​ະ​ໂມ​ສອນ ​ປ​ກ​ສ ເອັ​ຟ​ຊີ ເຊິ່ງ​ຈະ​ແຂ່ງ​ຂັນ​ໃນ​ວັນ​ທີ  09 ມີນາ 2019 ເວ​ລາ 17:00 ແຂ່ງ​ຂັນ​ຢູ່​ທີ່​ສະ​ຫນາມ​ກິ​ລາ​ແຫ່ງ​ຊາດ​ຫລັກ 16, ສ່ວນ ສະ​ໂມ​ສອນ ​ມາ​ສ​ເຕີ້ ເຊ​ເວັ້ນ ເອ​ຟ​ຊີ ຈະ​ລົງ​ສະ​ຫນາມ​ນັດ​ທີ 2 ພົບກັບ ສະ​ໂມ​ສອນ ອີໂວ ຢູ​ໄນ​ເຕັດ ເຊິ່ງ​ຈະ​ແຂ່ງ​ຂັນ​ໃນ​ວັນ​ທີ 09 ມີ​ນາ 2019 ເວ​ລາ 17:00 ແຂ່ງ​ຂັນ​ຢູ່​ທີ່​ສະ​ຫນາມ​ກິ​ລາມ​ຊ.

Recommended Posts

Upcoming match
Copyright © Lao Premier League - All rights reserved.
Design by: NGM COMMUNICATION