ເມື່ອວັນທີ 27 ເມສາ ຜ່ານມາ ທີ່ສະໜາມກິລາກາງ ມະຫາວິທະຍາໄລແຫ່ງຊາດ (ດົງໂດກ) ໄດ້ມີການແຂ່ງຂັນເຕະບານ ເປບຊີ ລາວ ພຣີເມຍລີກ 2019 ຮອບຂາໄປ ປະຈຳອາທິດ ເປັນການພົບກັນລະຫວ່າງ ນ້ອງໃໝ່ສະໂມສອນ ອີໂວ ຢູໄນເຕັດ ລົງສະໜາມນັດທີ 5 ເປີດບ້ານພົບກັບ  ສະໂມສອນ ຊ້າງນ້ອຍ ເອັຟຊີ  ທີ່ລົງສະໜາມນັດທີ 4 ຜ່ານການແຂ່ງຂັນ ຜົນປາກົດວ່າ ຈົບເກມ 90 ນາທີ ນ້ອງໃໝ່  ອີໂວ ຢູໄນເຕັດ ເປີດ ຖືກ ສະໂມສອນ ຊ້າງນ້ອຍ ເອັຟຊີ  ຖະຫຼົ່ມໄປ 6-0 ປະຕູ ໂດຍປະຕູຂອງ ຊ້າງນ້ອຍ ເອັຟຊີ ແມ່ນໄດ້ມາຈາກ  ສົມ​ຊາຍ ແກ້ວ​ຫາ​ນາມ ນາ​ທີ 24, ເບີ 11 ຈັນ​ສະ​ຫມອນ ພົມ​ມະ​ລີ​ວົງ​ ນາ​ທີ 40, ເບີ 17 ບຸນ​ພະ​ຈັນ ບຸ​ນກອງ ນາ​ທີ 51,71 ແລະ ເບີ 20 ທັດ​ສະ​ພອນ​ ໄຊ​ສຸກ ນາ​ທີ 81,85. ຈົບເກມ ເຮັດໃຫ້ ຊ້າງນ້ອຍ ເອັຟຊີ ມີເພີ້ມເປັນ 11 ຄະ​ແນນ ຂະ​ທີ່  ອີໂວ ຢູໄນເຕັດ ຢູ່ອັນດັບ  5 ຂອງຕາຕະລາງ, ສ່ວນ​ອີ​ກ​ຄູ່​ຫນຶ່ງ​ທີ່​ແຂ່ງ​ຂັນ​ຢູ່​ທີ່​ສະ​ຫນາມ​ກິ​ລາ​ແຫ່ງ​ຊາດ​ຫລັກ 16 ສະໂມສອນກອງທັບ ເອັຟຊີ ເສຍໃຫ້ ສະໂມສອນ ມາສເຕີ້ ເຊເວັ້ນ ເອັຟຊີ 0-1  ໂດຍ ສະ​ໂມ​ສອນ ມາ​ສ​ເຕີ​້ ເຊ​ເວັ້ນ ເອັ​ຟ​ຊີ ໄດ້​ປະ​ຕູ​ຈາກ: ເບີ 13 ບຸນ​ທະ​ວີ ສີ​ປະ​ສົງ ນາ​ທີ 63.
        ສະຫຼຸບ ຕາຕະລາງຄະແນນ ອັນດັບ 1 ສະໂມສອນ ຊ້າງນ້ອຍ ເອັບຊີ ມີ 10 ຄະແນນ, ອັນດັບ 2 ສະໂມສອນ ລາວໂຕໂຢຕ້າ ເອັຟຊີ ( ແຊ້ມເກົ່າ ) ມີ 6 ຄະແນນ, ອັນດັບ 3 ສະໂມສອນ ປກສ ເອັບຊີ ມີ 6 ຄະແນນ, ອັນດັບ 4 ສະໂມສອນ ມາສເຕີ້ ເຊເວັ້ນ ເອັຟຊີ ມີ 6 ຄະແນນ, ອັນດັບ 5 ສະໂມສອນ ອີໂວ ຢູໄນເຕັດ ມີ 6 ຄະແນນ ແລະ ອັນດັບ 6 ສະໂມສອນ ກອງທັບ ເອັຟຊີ ມີ 1 ຄະແນນ.