ເມືອ​ວັນ​ທີ 30 ມີ​ນາ 2019 ທີ່​ຜ່ານ​ໄດ້​ມີ​ການ​ແຂ່ງ​ຂັນ​ບານ​ເຕະ ເປບ​ຊີ​ ລາວ​ພ​ຣີ​ເມຍ​ລີກ 2019 ຮອບ​ຂາ​ໄປ ອາ​ທິດ​ທີ 3, ໂດຍ​ແຂ່ງ​ຂັນ​ທັ​ງ​ຫມົດ 2 ຄ​ູ່, ແຕ່​ຄູ່​ທີ່​ຫ​ນ້າ​ສົນ​ໃຈ​ແມ່ນ​ທີ່​ສະ​ຫ​ນາມ​ກິ​ລາ​ກາງ ມະ​ຫາ​ວິ​ທະ​ຍາ​ໄລ​ແຫ່ງ​ຊາດ​ ( ດົງ​ໂດກ ) ນ້ອງ​ໃຫມ່ ສະ​ໂມ​ສອນ ອີ​ໂວ ຢູ​ໄນ​ເຕັດ ທີມ​ອັນ​ດັບ 4 ພົບກັບ ສະ​ໂມ​ສອນ ກອງ​ທັບ ເອັ​ຟ​ຊີ ທີມ​ອັນ​ດັບ 5 ຜ່ານ​ການ​ແຂ່ງ​ຂັນ​ຜົນ​ປາ​ກົດ​ວ່າ ສະ​ໂມ​ສອນ ອີ​ໂວ ຢູ​ໄນ​ເຕັດ ເປີດ​ບ້ານ​ເອົາ​ຊະ​ນະ ກອງ​ທັບ ເອັ​ຟ​ຊີ 2-0 ໂດຍ ອີ​ໂວ​ ຢູ​ໄນ​ເຕັດ ໄດ້​ປະ​ຕູ​ຈາກ: ເລັກ​ໂຕ ຫລວງ​ອາ​ໄພ ນາ​ທີ 57 ແລະ ສົມ​ນຶກ ສີ​ບຸນ​ເຮືອງ ນາ​ທີ 88 ເຮັດ​ໃຫ້ ນ້ອງ​ໃຫມ່ ອີ​ໂວ​ ຢູ​ໄນ​ເຕັດ ເກັບ​ເພີ້ມ​ເປັນ 6 ຄະ​ແນນ ຫ​ຍັບ​ຂຶ້ນ​ມາ​ຢູ່​ອັນ​ດັບ 2 ຂອງ​ຕາ​ຕ​ະ​ລາງ ສ່ວນ ກອງ​ທັບ ເອັ​ຟ​ຊີ ຕົກ​ມາ​ຢູ່​ອັນ​ດັບ 6 .

ຂະ​ນະ​ທີ່ ຜົນ​ການ​ແຂ່ງ​ຂັນ​ອີກ​ຄູ່ ຢູ່​ທີ່​ສະ​ຫ​ນາມ​ກິ​ລາ​ແຫ່ງ​ຊາດ​ຫລັກ 16 ສະ​ໂມ​ສອນ ປກສ ເອັ​ຟ​ຊີ ພາດ​ທ່າ​ເສຍ​ໃຫ້ ສະ​ໂມ​ສອນ ມາ​ສ​ເຕີ້ ເຊ​ເວັ້ນ ເອັ​ຟ​ຊີ 2-5 ໂດຍ ມາ​ສ​ເຕີ້ ເຊ​ເວັ້ນ ເອັ​ຟ​ຊີ ໄດ້​ປະ​ຕູ​ຈາກ: ສຸກ​ສັນ ສຸກ​ສະ​ຫວັດ ນາ​ທີ 38, ແກ້ວ​ວຽງ​ເພັດ ລິດ​ທິ​ເດດ ນາ​ທີ 45, 51 ແລະ Sergio Barboza ນາ​ທີ 48, 70 ສ່ວນ ປກ​ສ ເອັ​ຟ​ຊີ ໄດ້​ປະ​ຕູ​ຈາກ: ຈິ່ວ ນົນ​ມະ​ນີ ນາ​ທີ 54, 76, ຈາກ​ຜົນ​ການ​ແຂ່ງ​ຂັນ​ດັ່ງ​ກ່າວ ເຮັດ​ໃຫ້ ມາ​ສ​ເຕີ້ ເຊ​ເວັ້ນ ເອັ​ຟ​ຊີ ເກັບ 3 ຄະ​ແນນ​ທຳ​ອິດ​ໄດ້ ແລະ​ ຫ​ຍັບ​ຂຶ້ນ​ມາ​ຢູ່​ທີ່​ອັນ​ດັບ 4 ຂະ​ນະ ທີ່ ປ​ກ​ສ ເອັ​ຟ​ຊີ ຕົກ​ລົງ​ມາ​ຢູ່​ອັນ​ດັບ 5 ຂ​ອງ​ຕາ​ຕ​ະ​ລາງ​ຄະ​ແນນ.​

ສຳ​ລັບ ການ​ແຂ່ງ​ຂັນ​ບານ​ເຕະ ເປບ​ຊີ ລາວ​ພ​ຣີ​ເມຍ​ລີກ 2019 ຮອບ​ຂາ​ໄປ ອາ​ທິດ​ທີ 4 ຈະ​ມີ​ການ​ແຂ່ງ​ຂັນ​ທັງ​ຫມົດ 3 ຄູ່ ເຊິ່ງ​ຈະ​ແຂ່ງ​ຂັນ ວັນ​ເສົາ 06 ເມ​ສາ 2019 ເວ​ລາ 16:00 ສະ​ໂມ​ສອນ ປກ​ສ ເອັ​ຟ​ຊີ ທີມ​ອັນ​ດັບ 5  ລົງ​ສະ​ຫ​ນາມ​ນັດ​ທີ 4 ພົບ ສະ​ໂມ​ສອນ ອີ​ໂວ ຢູ​ໄນ​ເຕ​ັດ ທີມ​ອັດ​ດັບ 2 ລົງ​ສະ​ຫ​ນາມ​ນັດ​ທີ 4 ແຂ່ງ​ຂັນ​ຢູ່​ທີ່​ສະ​ຫ​ນາມ​ກິ​ລາ​ແຫ່ງ​ຊາດ​ຫລັກ 16, ເວ​ລາ 18:45 ສະ​ໂມ​ສອນ ຊ້າງ​ນ້ອງ ເອັ​ຟ​ຊີ ທີມ​ນຳ​ຕາ​ຕະ​ລາງ ລົງ​ສະ​ຫ​ນາມ​ນັດ​ທີ 3 ພົບ ສະ​ໂມ​ສອນ ກອງ​ທັບ ເອັ​ຟ​ຊີ ທີມ​ອັນ​ດັບ 6 ລົງ​ສະ​ຫ​ນາມ​ນັດ​ທີ 3 ແຂ່ງ​ຂັນ​ຢູ່​ທີ່​ສະ​ຫ​ນາມ​ກິ​ລາ​ແຫ່ງ​ຊາດ​ຫລັກ 16, ວັນ​ອາ​ທິດ 07 ເມ​ສາ 2019 ເວ​ລາ 17:00 ສະ​ໂມ​ສອນ ມ​າ​ສ​ເຕີ້ ເຊ​ເວັ້ນ ເອັ​ຟ​ຊີ ທີມ​ອັນ​ດັບ 4 ລົງ​ສະ​ຫ​ນາມ​ນັດ​ທີ 4  ພົບ ສະ​ໂມ​ສອນ ລາວ​ໂຕ​ໂຢ​ຕ້າ ເອັ​ຟ​ຊີ ທີມ​ອັນ​ດັບ 3 ລົງ​ສະ​ຫ​ນາມ​ນັດທື 2 ແຂ່ງ​ຂັນ​ຢູ່​ທີ່​ສະ​ຫ​ນາມ​ກິ​ລາ​ແຫ່ງ​ຊາດ​ຫລັກ 16 ເຊິ່ງ​ທຸກ​ໆ​ຄູ່​ແມ່ນ​ຖ່າຍ​ທອດ​ສົດ​ທາງ Mycujoo.