ສ​ະ​ໂມ​ສອນ ຊ້າງ​ນ້ອຍ ເອັ​ຟ​ຊີ ເປີດ​​ຕົວຄູ​ຝຶກ, ນັກ​ກິ​ລາ ແລະ ຜູ້​ສະ​ຫ​ນັບ​ສະ​ຫ​ນູນ ລຸຍ​ການ​ແຂ່ງ​ຂັນ ເປບ​ຊີ ລາວ​ລີກ 1

           ພິທີຖະແຫລງຂ່າວ ເປິດຕົວຄູຝຶກ, ນັກກິລາ ແລະ ຜູ້ສະຫນັບສະຫນູນຫລັກ ໄດ້ມີຂຶ້ນວັນທີ 01 ມີນາ 2021 ຢູ່ທີ່ ໂຮງແຮມດອກຈໍາປາ ບ້ານດົງສະຫວາດ ເມືອງສີສັດຕະນາກ ນະຄອນຫລວງວຽງຈັນ ໂດຍມີ ທ່ານ ເຈສັນ ລິມ ປະທານສະໂມສອນ ຊ້າງນ້ອຍ ເອັຟຊີ, ທ່ານ ສົມສະນຸກ ລ່ຽນສະຫວັນ ຮອງເລຂາທິການສະຫະພັນບານເຕະແຫ່ງຊາດລາວ, ທ່ານ ເພັດສະຫວັນ ເຄີນວິໄລ ຜູ້ອຳນວຍການ ບໍລິສັດ T PLUS ພ້ອມດ້ວຍຕາງໜ້າຜູ້ສະໜັບສະໜູນອື່ນໆ, ຄູຝຶກ, ນັກກີລາ ແລະ ສື່ມວນຊົນເຂົ້າຮ່ວມຢ່າງພ້ອມພຽງ.

           ໂອກາດດັ່ງກ່າວ ທ່ານ ບ້ອນ ສູນດາລາ ( Bon Soundala ) ຮອງປະທານສະໂມສອນ ຊ້າງນ້ອຍ ເອັຟຊີ ກ່າວວ່າ '' ສຳລັບວັດຖຸປະສົງຂອງ ສະໂມສອນ ຊ້າງນ້ອຍ ເອັຟຊີ ແມ່ນເພື່ພັດທະນາວົງການບານເຕະລາວດ້ວຍຄວາມຮູ້ ແລະ ຄວາມສາມາດທີ່ພວກເຮົາມີ, ການສະຫນັບສະຫນູນ ແລະ ຊຸກຍູ້ຂອງພວກທ່ານຈະເປັນການສ້າງພື້ນຖານໂຄງລ່າງ ໂດຍສະເພາະບຸກຄະລາກອນກໍ່ຄືນັກກິລາເພື່ອໃຫ້ເຕີບໃຫຍ່ ແລະ ກ້າວໄປສູ່ຄວາມເປັນມືອາຊີບ, ເຊິ່ງມັນສິ່ງທີ່ດີຕໍ່ກັບ ສະໂມສອນ  ແລະ ລະດັບປະເທດ ພ້ອມທັງ ຂອບໃຈຜູ້ສະໜັບສະໜູນຫຼັກຢ່າງ T PLUS ທີ່ໃຫ້ການອຸປະຖໍ້ານັບຕັ້ງແຕ່ແຕ່ປີ 2020 ແລະ ກໍສືບຕໍ່ໃນປີ 2021. ນອກນັ້ນ ກໍຍັງມີ FBT ຜູ້ອຸປະຖໍາຊຸດກີລາ ແລະ ອຸປະກອນກີລາ ເຊິ່ງລະດູການ 2020 ພວກເຮົາສາມາດຍາດໄດ້ອັນດັບ 3 ໃນລີກສູງສຸດຂອງ ສປປ ລາວ ແລະ ຍາດໄດ້ແຊັມລາຍການ ຄອມມານໂດ ຄັບ ເຊິ່ງເປັນລາຍການໃຫຍ່ອັນດັບ 2 ຂອງປະເທດຮອງຈາກ ລາວລີກ 1 ລີກສູງສຸດຂອງ ສປປ ລາວ, ເປົ້າຫມາຍໃນປີນີ້ ຕັ້ງເປົ້າຄວ້າແຊ້ມ, ເນັ້ນໄຊຊະນະທຸກເກມ ແລະ ຄຽງຄູ່ກັນນັ້ນຈະຫລິ້ນແບບ FAIR PLAY ຖ້າພວກເຮົາຊະນະຄືພວກເຮົາຊະນະ, ຖ້າພວກເຮົາເສຍຕ້ອງຍອມ ແລະ ນຳໄປປັບປຸງແກ້ໄຂ, ເຄົາລົບຄູ່ຕໍ່ສູ້ ແລະ ການຕັດສິນຂອງກຳມະການ. 

               ຫລັງຈາກນັ້ນໄດ້ມີການເປີດຕົວຄູຝຶກຄົນໃຫມ່ ທ່ານ ບຸນລັບ ເຄນກິດຕິສັກ, ຄະນະຄູຝຶກ ແລະ ນັກກິລາຫນ້າໃຫມ່ຫລາຍຄົນນຳ ໂດຍ ແກ້ວວຽງເພັດ ລິດທິເດດ, ກີ້ດາວອນ ສຸວັນນີ, ມະໂນລົມ ເພັດພັກດີ ແລະ ນັກຕ່າງຕ່າງປະເທດອີກ 2 ຄົນ,  ນອກນັ້ນ ກໍຍັງມີການເປີດຕົວຊຸດແຂ່ງຂອງ ຊ້າງນ້ອຍ ເອັຟຊີ ປະຈໍາລະດູການ 2021 ໂດຍມີເຖິງ 5 ຊຸດຄື: ຊຸດທີ່ 1 ຊຸດ ສີເຫຼື້ອງແມ່ນໃຊ້ ສຳຫຼັບເຈົ້າບ້ານ, ສ່ວນຊຸດ ສີບົວນີ້ ແມ່ນສຳຫຼັບ ຜູ້ຮັກສາປະຕູ, ຊຸດທີ່ 2 ແມ່ນຊຸດທີມເຢືອນ  ສີດຳແມ່ນສຳຫຼັບນັກເຕະ ແລະ ຊຸດສີຂຽວແມ່ນສຳຫຼັບຜູ້ຮັກສາປະຕູ ແລລະ ຊຸດສຸດທ້າຍແມ່ນຊຸດທີມເຢືອນ  (ຊຸດທີມເຢືອນມີ ຊຸດ), ສີມ່ວງແມ່ນສຳຫຼັບນັກເຕະ, ສີສົ້ມແມ່ນສຳຫຼັບຜູ້ຮັກສາປະຕູ.

           ສຳລັບລາຍຊື່ນັກກິລາ ສະໂມສອນ ຊ້າງນ້ອຍ ເອັຟຊີ ທີ່ລົງທະບຽນສຳເລັດ ປະກອບມີ 22 ຄົນ ມີລາຍຊື່ດັ່ງລຸ່ມນີ໊: 
- ຜູ້ຮັກສາປະຕູ: ສໍລະສັກ ທີລະວົງ, ໄຊສະຫວາດ ສຸວັນນະໂຊ, ສີອຳພອນ ແສງສະຫວ່າງ
- ກອງຫລັງ : ອາພີໄຊ ທານະຂັນຕີ, ກ້າຫານ ເພັດສີວິໄລ, ກິດຕິສັກ ພົມວົງສາ, ສອນວິໄລ ສີຫາວົງ, NORIHIRO KAWAKAMI ສັນຊາດຍີ່ປຸ່ນ
- ກອງກາງ : ສົມລິດ ແສງວັນນີ, ຈິດປະສົງ ລັດຖະຈັກ, ທະນູທອງ ກຽດນະລົງລົບ, ລຸ້ງເລືອງ ແກ້ວພູວົງ, ມະໂນລົມ ເພັດພັກດີ, ແກ້ວວຽງເພັດ ລິດທິເດດ, ອານັນທະນາ ຈັນທະມາລີ, ABDUL KANU ສັນຊາດເຊລາລີໂອນ ( SIERRA LEONE )
- ກອງຫນ້າ : ບຸນພະຈັນ ບຸນກອງ, ສົມໄຊ ແກ້ວຫານາມ, ວັນນະສອນ ດວງໄມຕີ,  ກີ້ດາວອນ ສຸວັນນີ, SOULEYMANE COULIBALY ສັນຊາດມາລີ ແລະ ANGE MIKAEL FRABICE ANY ສັນຊາດ ກົດດີວົວ.                                             
           ການແຂ່ງຂັນບານເຕະ ເປບຊີ ລາວລີກ 1 2021 ມີ ທັງຫມົດ 6 ສະໂມສອນ ເຂົ້າຮ່ວມປະກອບມີ : ສະໂມສອນ ເອັຟຊີ ຈັນທະບູລີ, ສະໂມສອນ ປກສ ເອັຟຊີ,ສະໂມສອນ ຊ້າງນ້ອຍ ເອັຟຊີ,ສະໂມສອນ ເອສະຣາ ເອັຟຊີ,ສະໂມສອນ ວຽງຈັນ ເອັຟຊີ ຈາກແຂວງວຽງຈັນ ແລະ ສະໂມສອນ ກອງທັບ ເອັຟຊີ (ເລຶ່ອນຂຶ້ນມາຈາກ ແຊ້ມ ລິກ 2 , 2020). ການແຂ່ງຂັນເຊິ່ງແມ່ນຈະເປີດສາກໃນວັນທີ 06 ມີນາ 2021 ຮູບແບບການແຂ່ງຂັນ ແມ່ນຈະແຂ່ງແບບ 3 ຮອບຄື: ຮອບຂາໄປ, ຮອບຂາກັບ ແລະ ຮອບ 3.
ສຳລັບລາງວັນ: