ທ່ານ ພູເງິນ ບົວທອງ ຜູ້ຈັດການທີມ ວຽງຈັນ ເອັຟຊີ ໄດ້ເປີດເຜີຍລາຍຊື່ 23 ລາຍຊື່ນັກເຕະ ຈະສົ່ງເຂົ້າຮ່ວມການແຂ່ງຂັນບານເຕະ ເປບຊີ ລາວລີກ 1 ລະດູການ 2021 ທີ່ຈະເປີດສາກຂຶ້ນໄວໆນີ້ ນໍາໂດຍ ກິຕ້າ ສີສະຫວາດ ຈາກ ສະໂມສອນ ເມືອງຫາດ ຢູໄນເຕັດ ຈາກລາວລີກ 2, ສີນວນ ຊາມຸນຕີ ຈາກ ສະໂມສອນ ເຮັສບີທີ 941 ເອັຟຊີ ຈາກລາວລີກ 2 ເຊິ່ງທັງ 2 ຄົນນີ້ ເປັນຜູ້ຍິງປະຕູສູງສຸດ ການແຂ່ງຂັນບານເຕະ ເພື່ອຂ່ຳຮັບຕ້ອນວັນຊາດທີ 2 ທັນວາ ຄົບຮອບ 45 ປີ ທີ່ຜ່ານມາ, ນອກຈາກນັ້ນຍັງໄດ້ເສີມນັກເຕະຫລາຍຕຳແຫນ່ງ ກອງກາງດີກີ ທີມຊາດລາດຊຸດໃຫຍ່ ແສງວິໄລ ຈັນທະສິລີ ຈາກ ສະໂມສອນ ເມືອງຫາດ ຢູໄນເຕັດ ຈາກລາວລີກ 2, ຈັນທະຈອນ ທິໂນລາດ ຈາກ ສະໂມສອນ ຊ້າງນ້ອຍ ເອັຟຊີ, ໄຊຍະສິດ ສິງສະຫວ່າງ ກອງຫລັງ ຈາກ ສະໂມສອນ ລາວໂຕໂຢຕ້າ ຊຸດແຊ້ມ ເປບຊີ ລາວລີກ 1 2020 ແລະ ຍັງມີກອງກາງ ທີມຊາດລາວ ຮຸ່ນອາຍຸ 19 ປີ ສອນໄຊ ພັນທະໄຊ ຈາກ ສະໂມສອນ ວຽງຈັນ ເອັຟທີ ແລະ ນັກເຕະໃຫມ່ອີກຫລາຍຄົນ, ສຳລັບ 23 ນັກເຕະ ຂອງ ວຽງຈັນ ເອັຟຊີ ຊຸດລຸຍ ເປບຊີ ລາວລີກ 1 2021 ມີລາຍຊື່ດັ່ງລຸ່ມນີ໊:
- ຜູ້ຮັກສາປະຕູ : ປະຕິພົນ ແສງປະເສີດ, ອານຸລັກ ວິລະຜົນ,ເພັດທະນະກອນ ພູນສະຫວັນ
- ກອງຫລັງ : ນະລົງສິດ ຈັນທະລັງສີ, ແສງດາວວີ ຫານທະວົງ, ຈິດຕະກອນ ເພຍພົມ, ບຸນທັນ ເພັດສົມພອນ, ໄຊຍະສິດ ສິງສະຫວ່າງ, ສິດຕີ້ ສັນນິກອນ, Denil Ango ສັນຊາດຄາເມຣູນ.
- ກອງກາງ : TAKUYA WATANABE ສັນຊາດຍີ່ປຸ່ນ, ເດດອັກສອນ ໄຊຊະນິດ, ສຸລິວັນ ນິວອນ, ພູວຽງ ພູມສະຫວັດ, ໄຊຊະນະ ຈິດວິລະພົນ, ແສງວິໄລ ຈັນທະສິລິ, ສອນໄຊ ພັນທະໄຊ, ພຸດທະວົງ ສອນປະເສີດ, ສຸກພະຈັນ ເລື່ອນທະລາ, ສີນວນ ຊາມຸນຕີ, ຈັນທະຈອນ ທິໂນລາດ
- ກອງຫນ້າ : ກິຕ້າ ສີສະຫວາດ, ເພັດອຸບົນ ມະນີວົງ.
ສຳລັບເປົ້າຫມາຍຂອງ ທີມວຽງຈັນ ເອັຟຊີ ແມ່ນຕັ້ງເປົ້າຫມາຍ ຂໍໃຫ້ຕິດ 1- 3 ພ້ອມດຽວກັນນັ້ນ ທ່ານ ພູເງິນ ບົວທອງ ຍັງໄດ້ກ່າວຕື່ມກ່ຽວກັບເປົ້າຫມາຍ ໃນການສົ່ງທີມ ວຽງຈັນ ເອັຟຊີ ເຂົ້າຮ່ວມ ເປບຊີ ລາວລີກ 1 2021 :
- ຢາກເປັນໜື່ງໃນທີມໃນລາວລີກ (ລີກສູງສຸດບານເຕະລາວ) ຮ່ວມສ້າງສັດທາແຟນບານລາວລີກກັບມາ ເພື່ອເຮັດໃຫ້ກະແສດ້ານດີບານເຕະພາຍໃນປະເທດພວກເຮົາດີຂື້ນ ຕອບສະໜອງດ້ານກິດຈະກຳບານເຕະ, ເປັນສ່ວນໜື່ງໃນການພັດທະນາບານເຕະລາວ.
- ສູ້ກັບທີມໃຫຍ່ໃນລາວລີກໃຫ້ມ່ວນ ແລະ ສົມຄວາມຕັ້ງໃຈຂອງແຟນບານ.
- ສົ່ງເສີມບັນດານັກກິລາ ທີ່ມີຄວາມສາມາດ ກ້າວສູ່ນັກກິລາເຄິ່ງອາຊີບ (ສາມາດເຕະບານລ້ຽງຊີບຕົນເອງໄດ້) ແລະ ເພີ່ມຈຳນວນຜູ້ປະກອບອາຊີບດ້ານກິລາບານເຕະ.
- ສ້າງລະບົບທີມໃຫ້ໃກ້ຄຽງສະໂມສອນໃຫຍ່ໃນລາວ ແລະ ສະໂມສອນບັນດາປະເທດໃກ້ຄຽງ ຫຼຸດຜ່ອນບັນດາຫາງສຽງທີ່ບໍ່ດີຕໍ່ກັບວົງການບານເຕະລາວ.
- ສ້າງເວທີໃຫ້ກັບນັກກິລາລຸ້ນເຍົາວະຊົນ ໂດຍສະເພາະນັກກິລາສືບທອດທີ່ເປັນຄົນແຂວງວຽງຈັນ ແລະ ຕ່າງແຂວງ ໄດ້ເຂົ້າມາທົດສອບ ແລະ ເຂົ້າຮ່ວມທີມໃນແຕ່ລະປີ ເພື່ອຕໍ່ຍອດໃຫ້ນັກກິລາສະໂມສອນ ວຽງຈັນ ເອັຟຊີ ຕິດທີມຊາດໃນແຕ່ລະຮຸ່ນ.
- ເຮັດໃຫ້ແຟນບານລາວ ກັບມາຊົມການແຂ່ງຂັນລີກລາວໃຫ້ຫຼາຍຂື້ນ.
ຂະນະທີ່ ກິດຈະກຳ ຮ່ວມກັບຜູ້ສະໜັບສະໜູນທີມ ຈັດກິດຈະກຳປີ່ນອ້ອມເຊັ່ນ : ແຈກຂອງລາງວັນ, ມີສ່ວນຮ່ວມໃນການໂຄສະນາປະຊາສຳພັນຮ່ວມກັນ ເພື່ອດຶງດູດມວນຊົນເຂົ້າມາຊົນມາເຊຍ.
- ສົ່ງເສີມບັນດານັກກິລາໃຫ້ເກີດຄວາມໜ້າສົນໃຈໃນວົງການກິລາບານເຕະລາວ
- ແລະ ກິດຈະກຳອື່ນໆ ເພື່ອສອດຄ່ອງຕາມຮູບແບບການໂຄສະນາຂອງ ພະແນກຈັດການແຂ່ງຂັນ ກໍຄື ສຕລ ວາງອອກ ໃຫ້ຕໍ່ເນື່ອງ ແລະ ຍືນຍົງໃນປີຕໍ່ໆໄປ.
ການແຂ່ງຂັນເປບຊີ ລາວລີກ 1 ປະຈຳປີ 2021 ມີ ທັງຫມົດ 6 ສະໂມສອນ ເຂົ້າຮ່ວມປະກອບມີ : ສະໂມສອນ ເອັຟຊີ ຈັນທະບູລີ ເອັຟຊີ ,ສະໂມສອນ ປກສ ເອັຟຊີ, ສະໂມສອນ ຊ້າງນ້ອຍ ເອັຟຊີ, ສະໂມສອນ ເອສະຣາ ເອັຟຊີ, ສະໂມສອນ ວຽງຈັນ ເອັຟຊີ ຈາກແຂວງວຽງຈັນ ແລະ ສະໂມສອນ ກອງທັບ ເອັຟຊີ (ເລຶ່ອນຂຶ້ນມາຈາກ ແຊ້ມ ລິກ 2 , 2020) ຮູບແບບການແຂ່ງຂັນ ແມ່ນຈະແຂ່ງແບບ 3 ຮອບຄື: ຮອບຂາໄປ, ຮອບຂາກັບ ແລະ ຮອບ 3. ເຊິ່ງຈະເລີ່ມແຂ່ງຂັນໃນວັນທີ 27 ມີນາ 2021 ເປັນຕົ້ນໄປ
ສະໂມສອນທີ່ໄດ້ເປັນແຊ້ມ ຫຼື ຮອງແຊ້ມລາວ ເປັບຊີ ລາວລີກ 1 ລະດູການ 2021 ຈະໄດ້ເປັນສະໂມສອນຕົວແທນຈາກ ສປປ ລາວ ເຂົ້າຮ່ວມການແຂ່ງຂັນລະດັບ AFC Cup (ຕ້ອງໄດ້ຮັບໃບອະນຸຍາດສະໂມສອນລະດັບອາຊີຈື່ງສາມາດເຂົ້າຮ່ວມໄດ້) ຫຼື ລາຍການອື່ນໆທີ່ຖືກເຊີນ ສ່ວນອັນດັບຮອງລົງມາຈະໄດ້ພິຈາລະນາຕາມຄວາມເໝາະສົມ.
0 ຄຳ ເຫັນ
ທ່ານຕ້ອງເຂົ້າສູ່ລະບົບເພື່ອໃຫ້ ຄຳ ເຫັນ.